Tirador ng Cristiano

Slingers = Gossiper [Tirador = Pintasero (Chismoso/sa)]

Slingers - ay ang tawag sa mga mandirigma sa sinaunang kapanahonan na gumagamit ng malalaking tirador. Sila ang taga-sira ng sitema ng patubig sa isang saradong bayan sa pamamagitan ng pagtira ng mga bato hanggang sa masira o mabarahan ang bukal na pinanggagalingan nito. At sa ganung pamamaraan, mapipilitan ang saradong bayan na pagbuksan ang kanilang tarangkahan upang makakuha o maayos ang patubig. Yon naman ang magiging hudyat upang makapasok ang nag-aabang na kaaway sa labas ng saradong bayan.

"Si Jesus ay tumayo at sumigaw, na nagsasabi, Kung ang sinomang tao'y nauuhaw, ay pumarito siya sa akin, at uminom. Ang sumasampalataya sa akin, gaya ng sinasabi ng kasulatan, ay MULA SA LOOB NIYA AY AAGOS ANG MGA ILOG NG TUBIG NA BUHAY." [Juan 7:37-38]
1. Ano raw?

Ayon sa sinabi ng Panginoon, aagos ANG MGA ILOG NG TUBIG NA BUHAY SA MGA TAONG MANINIWALA SA KANYA na ang tawag natin ngayon ay CRISTIANO.

2. Ano ang ibig sabihin nito?

Marami ang makakainom [mapapawi ang uhaw sa katarungan o makakatanggap ng Banal na Espiritu o Banal na Pag-iisip (Juan 4:24, Gr. pneuma Tag. pag-iisip) sa pamamagitan nating mga Cristiano pagkat tayo nga ang daluyan nito].

3. Bakit ba ang init ng mata ng Sanglibotan sa mga Cristiano?

Pagkat isang napakalaking banta ang presencia ng mga Cristiano sa loob ng isang comunidad at maging sa loob ng sambahayan. Ang isang Cristiano [na nagsasamba sa Panginoon sa isip at sa gawa (isip = espiritu at gawa = katotohanan, Juan 4:24) sa loob ng isang pamilya ay kayang maligtas ang buong sambahayan, comunidad, lungsod at bayan.

4. Ano ngayon ang ginagawa ng Diablo upang malihis o kaya ay magapi ang banta sa kanyang adhikaing makapagdala ng maraming kaluluwa sa Dagatdagatang Apoy (Revelations 19:20)?

Sa hindi sinsadyang pangyayari, marami sa loob ng Simbahan ngayon ang nagiging kasangkapan ng Diablo upang mabarahan ang puso ng mga Cristiano. Minsan ang mga mangangaral pa sa loob ng Iglesia ang ginagamit upang mapatigas ang puso ng mga mananampalataya. Paano ko nasabi ang bagay na ito?

HOAX. Masalamangkang pangangaral ng Salita ng Panginoon.
(1) Seeding. Pagtatanim ng pera bilang punla sa matataba na lupa kagaya ng mga mangangaral o mga pastor. Kasalungat sa Salita ng Panginoon na mababasa sa Lukas 6:27-36, ang ipinapabigay ng Panginoon ay hindi pera, kundi ang awa at habag sa kapwa.
(2) Full Time Ministry. Pagsisilbe sa Panginoon ng buong oras o full time ministry. Sa salitang kalye, KATAMARAN MINISTRY... bakit?

Sinabi ni Apostol Pablo sa mga taga Tesalonica (2 Thes. 3:10) “Hindi kami nakikain kaninuman nang walang bayad. Nagtrabaho kami araw-gabi upang hindi makabigat kaninuman sa inyo. Ginawa namin ito hindi dahil sa wala kaming karapatan sa inyong tulong, kundi upang kayo’y bigyan ng halimbawang dapat tularan. Huwag ninyong pakainin ang sinumang ayaw magtrabaho.” At mahigpit nyang bilin na gayahin sya pagkat sya ay gumagaya kay Cristo (1 Corinto 11:1), at sa 1 Corinto 9 ipinaalam nya sa mga kapatiran doon na meron nga syang karapatan na kumain sa bunga ng mga kapatiran pero binigyan nya ng diin sa talata 15, "Nguni't ako'y hindi gumamit ng anoman sa mga bagay na ito: at hindi ko sinusulat ang mga bagay na ito upang gawin ang gayon sa akin; sapagka't mabuti pa sa akin ang mamatay, kay sa pawalang kabuluhan ninoman ang aking karangalan."
 
LEAVEN. Pampaalsa o lebadura ng Escriba, Fariseo, Saduceo at Tagapagturo ng Kautosan
(1) Outward Holiness/Kabanalan sa pananamit. Kasalungat sa Salita ng PANGINOON na Sya ay tumingin sa puso at hindi sa panlabas ng kaayoan (1 Samuel 16:7). At Sya ring sumaway sa mga mapagpaimbabaw, "Sa aba ninyo, mga eskriba at mga Fariseo, mga mapagpapaimbabaw! sapagka't inyong nililinis ang labas ng saro at ng pinggan, datapuwa't sa loob ay puno sila ng panglulupig at katakawan. Ikaw bulag na Fariseo, linisin mo muna ang loob ng saro at ng pinggan, upang luminis naman ang kaniyang labas." Mateo 23:25-26
(2) Love of the ministry. Pagbibigay ng kahulogan ng pagmamahal sa ministry upang mamanipula ang mananampalataya sa paggawa. Hinid lahat ay may kakayahang mangaral o gumawa para sa ministry pagkat tayo ay may kanya-kanyang ginagampanang gawain sa isang katawan... hindi lahat kamay, paa, ulo o anupaman, pero iisa lang ang ating katawan bilang Cristiano.