FALSE ANOINTING = NANG NABAHIRAN NANG PROSPERITY [MONEY] PREACHING

Nakakapanlumong katutohanan ang pagmasdan ang isang tao ng Dios na malugmok sa masalamangkang katuroan ng PROSPERITY PREACHING / PAGTATANIM NG PERA. Nakakapanglumo pagkat ang dating anointing na dumadaloy ay nabarahan na ng masalamangkang katuroan ng pagpapala.

Hindi natin kailangan ng pinansyal na pagpapala, promotion sa trabaho, makatanggap ng regalo/pera, maging milyonaryo, magkaroon ng masaganang buhay upang masukat ang kadakilaan ng Dios na ating PANGINOON na tayo nga ay kanyang pinaghaharian. Hindi rin natin kailangan ng HIMALA upang ibigin ang ating PANGINOON. IIBIGIN natin ang PANGINOON pagkat Siya nga ay ating nag-iisang PANGINOON sa buhay!

Kung ang pagpupunla ng pera sa mga mangangaral ay sukatan ng pagpapala? Saan ba nakasulat? Kung di mo ito masumpungan sa BIBLIA, ito nga isa lamang haka-haka at buong kasinungalingan!

Sabi ng PANGINOONG JESUS: "Kundi mangagtipon kayo ng mga kayamanan sa langit, na doo'y hindi sumisira kahit ang tanga, kahit ang kalawang, at doo'y hindi nanghuhukay at hindi nagsisipagnakaw ang mga magnanakaw."

Kung ang pagtatanim [sa salitang kanto, panunuhol sa mangangaral upang ipanalangin ang nagbibigay] ay biblical kasi isa itong mabuting gawa ng mananampalataya... ano ba ang sinabi ng Profeta Isaias? "Sapagka't kaming lahat ay naging parang marumi, at ang lahat naming katuwiran ay naging parang basahang marumi: at nalalantang gaya ng dahon kaming lahat; at tinatangay kami ng aming mga kasamaan, na parang hangin."

Ang prosperity preaching [o pagtatanim ng pera sa mga mangangaral kasi daw matatabang lupa] ay isa ngang kalokohan kung susukatin mo ang pagpapala ng tao sa DAMI [sa salitang kanto, tubo] ng pagpapala na tatanggapin [sa salitang kanto, kikitain] nito mula sa pagbibigay niya sa lingkod ng panginoon.

BRIBERY ANG TAWAG DYAN!

Mamili ka... Prosperity [Pera] O ang Relasyon ng mananampalataya sa kanyang Dios na PANGINOON?

Church! Magbago ka na, pagkat nalulugmok ka na sa kahangalan na pampaalsa ng lahi ng mga Pariseo, Saduceo, Escriba at Tagapagturo ng Kautosan. Kalunoslunos ang daranasin mo pagka hindi ka bumalik sa purong Salita ng Panginoon! Bumangon ka Church! Maging malaya ka na!

Ang prosperity preaching ay isa ngang kalokohan kung susukatin mo ang pagpapala ng tao sa tubo na kikitain nito mula sa pagbibigay niya sa lingkod ng panginoon.

Mamili ka... Prosperity [Pera] O ang Relasyon ng mananampalataya sa kanyang Dios na PANGINOON!